کتب خانہ علامہ شبلی نعمانیؒ
ندوة العلماء کا یہ اہم کتب خانہ ایک شاندار پانچ منزلہ عمارت میں ہے، بیرونی ممالک کے ریسرچ اسکالر بھی اس کتب خانہ سے مستفید ہوتے ہیں، ندوۃ العلماء کا یہ اہم عظیم کتب خانہ ہند وپاک میں خصوصی امتیاز رکھتا ہے۔
اس کے تین شعبے ہیں : شعبۂ مطبوعات، شعبۂ مخطوطات، اور شعبۂ انگریزی، ان کے مستقل ذمہ دار ہیں، جن کی نگرانی ناظم کتب خانہ کرتے ہیں، ندوۃ العلماء کے عام کتب خانہ کے ساتھ چند دوسرے کتب خانے بھی شامل ہیں، جن میں نواب سید صدیق حسنؒ کا کتب خانہ اور مولانا حکیم سید عبد العلیؒ کا کتب خانہ ممتاز حیثیت رکھتا ہے، جن میں بعض اہم مخطوطات بھی ہیں، کتب خانہ ندوۃ العلماء سے طلبہ کو تعلیم کے سلسلہ میں کتابیں مستعار دی جاتی ہیں، جو امتحان سالانہ کے وقت جمع کرالی جاتی ہیں۔
تاریخ ۲۸؍جنوری ۲۰۲۵ء تک کتب خانہ کی کتابوں کی مجموعی تعداد : ۲۲۹۳۱۸ ؍ہے، مستعار کتب خانوں کی کتابوں کی تعداد اس کے علاوہ ہے، جن میں عربی، فارسی اور اردو کے تقریباً پانچ ہزار مخطوطات میں اور کتب خانہ کو کمپیوٹرائز کردیا گیا ہے، اس کی ویب سائٹ تیار ہوگئی ہے، سردست ہر کتاب کی بنیادی معلومات اپلوڈ کر دی گئی ہیں اور کتابوں کی اسکیننگ کا کام جاری ہے۔ اس مرکزی کتب خانے کے علاوہ ذیلی کتب خانے بھی ہیں جو دارالعلوم کے شعبوں کی ضرورت کے لیے ہیں اور دارالاقاموں میں بھی دارالمطالعہ کے نام سے لائبریریاں ہیں۔
