فراہمی سرمایہ

شعبۂ تعمیر و ترقی نے سفراء ومحصلین کا نظام بنایا، اس نظام سے تعلق رکھنے والے حضرات ملک کے مختلف علاقوں میں پہنچ کر ندوۃ العلماء کا تعارف کراتے ہیں اور اس کی ضرورت واہمیت سے روشناس کراتے ہیں اور اہل خیر حضرات سے مالی اعانت کی درخواست کرتے ہیں، الحمد للہ ان کوششوں کے نتائج برآمد ہوئے اور ایک حلقہ معاونین کا پیدا ہو گیا، اس سلسلہ کو ابھی کافی بڑھانے کی ضرورت اور گنجائش ہے۔ شعبۂ تعمیر و ترقی کے اس کام میں ان حضرات اساتذہ کی جدو جہد اور کوششوں کا بڑا دخل ہے جو عموماً رمضان المبارک میں اس کام کے لیے تشریف لے جاتے ہیں اور نہایت دلسوزی اور انہماک سے اس کام کی طرف اہل خیر کو متوجہ فرماتے ہیں،
فجزاهم الله خيراً –