ان گذارشات کے بعد آپ سے ہماری درخواست ہے کہ وقت کی اس ضرورت اور دارالعلوم کی افادیت کو سمجھتے ہوئے پوری فراخ دلی، فیاضی اور ہمت سے کام لے کر ان تمام کاموں میں بھر پور تعاون و اعانت فرمائیں کہ ہندوستان میں دین کے قلعوں کی حفاظت کی اس سے بہتر کوئی سبیل اور اس سے زیادہ پائیدار کوئی صدقہ جاریہ نہیں، ندوۃ العلماء کے پچاسی سالہ جشن تعلیمی میں خطاب کرتے ہوئے حضرت مولانا سید ابوالحسن علی حسنی ندویؒ نے غیر ملکی معزز عرب مہمانوں کی طرف اشارہ کرتے ہوئے فرمایا تھا:
یہ سونے کی چڑیاں سب اُڑ جائیں گی، ہم اور آپ یہاں رہیں گے، آپ یہ نہ سمجھیں کہ اب آپ کو چھٹی مل گئی، ہم آپ کو چھوڑنے والے نہیں، ہمارے سفیر آپ کے گھروں پر جائیں گے، ہمارے مدرسے آپ ہی کے چار چار آٹھ آٹھ آنے پر چل رہے ہیں، آپ کے چار آنے اور آٹھ آنے ہم کو عزیز ہیں، یہ جو کچھ دیں گے وہ اس دولت کا ہزارواں حصہ ہوگا جو خدا نے ان کو دی ہے اور جو آپ دیں گے وہ آپ کے گاڑھے پسینہ کی کمائی ہوگی۔
خدا کا شکر ہے کہ ہم ان بیش قیمت اصولوں کو سینہ سے لگائے ہوئے ہیں جن کے لیے دارالعلوم قائم کیا گیا تھا یعنی جدید زمانہ میں اسلام کی مؤثر اور صحیح ترجمانی، دین ودنیا کی جامعیت اور علم وروحانیت کے اجتماع کی کوشش، فتنہ لادینیت اور ذہنی ارتداد کا مقابلہ، اسلام پر اعتماد اور علوم اسلامیہ کی برتری وامتیاز کا اعلان واظہار، دین حق سے وفاداری اور شریعت پر استقامت، ہمارے نزدیک مالیات، بجٹ اور عظیم الشان عمارتوں کے مقابلہ میں ان مذکورہ مقاصد کا حصول زیادہ اہم ہے، مسئلہ کی اس قدر تشریح اور وضاحت کے بعد اب مزید کچھ کہنے کی حاجت نہیں۔
ہندوستان کے مسلمانوں سے خواہ وہ اس طویل وعریض ملک کے کسی علاقہ کے ہوں، ہماری مکرر درخواست ہے کہ وہ اس کام کی اہمیت کو سمجھیں اور اس کو اپنا ہی کام سمجھیں، ہمیں یقین ہے اور اللہ تعالیٰ کی ذات عالی پر پورا بھروسہ ہے کہ انشاء اللہ ناظم ندوۃ العلماء مولانا سید بلال عبد الحی حسنی ندوی مدظلہ کی رہنمائی ونظامت میں اگر احباب ومخلصین نے پوری دلچسپی لی تو ہمارا یہ پیغام نہ صرف ملک کے؛ بلکہ عالم اسلام کے کونے –ونے میں پہنچے گا۔ وما ذلك على الله بعزيز
(ڈاکٹر مولانا) محمد تقی الدین ندوی (معتمد تعلیم ندوۃ العلماء)
(ڈاکٹر) محمد اسلم صدیقی (معتمد مال ندوۃ العلماء)
(ڈاکٹرمولانا) سعید الرحمن اعظمی ندوی (مہتمم دار العلوم ندوۃ العلماء)
(مولانا) سید عمار حسنی ندوی (ناظر عام ندوۃ العلماء)
نوٹ : چیک یا ڈرافٹ پر صرف یہ لکھئے
NADWATUL ULAMA
اور اس پتہ پر بھیجیے
NAZIM NADWATUL ULAMA
Tagor Marg, Luknow - 226007
Uttar Pradesh, INDIA.
نوٹ : رقم جس مد کی ہو اس کی صراحت ضروری ہے۔
اکاؤنٹ نمبر مندرجہ ذیل ہیں
ZAKAT (زکوٰۃ)
Beneficiary Name: Nadwatul Ulama
Bank Name: SBI
Account Number: 10863759766
IFSC Code: SBIN0000125
Branch Name: Main Branch Lko.
ATIYA (عطیہ)
Beneficiary Name: Nadwatul Ulama
Bank Name: SBI
Account Number: 10863759711
IFSC Code: SBIN0000125
Branch Name: Main Branch Lko.
BUILDING (بلڈنگ)
Beneficiary Name: Nadwatul Ulama
Bank Name: SBI
Account Number: 10863759733
IFSC Code: SBIN0000125
Branch Name: Main Branch Lko
نوٹ
قواعد وضوابط برائے تعلیم (داخلہ وغیرہ) کے لیے مہتمم دار العلوم ندوۃ العلماء کے دفتر سے مندرجہ ذیل فون یا ای میل کے ذریعہ معلومات حاصل کی جاسکتی ہیں
